सोमबार राति परेको चट्याङ लागेर घाइते भएका ऐरावती गाउँपालिका-६ जुलीकोटका दुई बालकको मृत्यु भयको छ । चट्याङ लागेर घाइते भएका दुवै जनालाई उपचारका लागि जिल्ला अस्पताल बिजुवार लगिएको र उनीहरूको उपचारकै क्रममा मृत्यु भएको जिल्ला अस्पताल प्यूठानले जनाएको छ ।

मृत्यु हुनेमा ऐरावती गाउँपालिका-६ का ७ वर्षीय रोमन परियार र १२ वर्षीय किरण परियार रहेका छन् । चट्याङ लागेर ऐरावतीको वडा नं. ६ का ६ जना र वडा नं.१ का ४ जना घाइते छन् । उनीहरूको जिल्ला अस्पतालमा उपचार हुँदैछ ।

प्रकाशित समय : १५:३६ बजे