नेपालमा पछिल्लो २४ घण्टामा थप १९ जनामा कोरोना संक्रमण पुष्टि भएको छ । देशभर गरिएको एन्टिजेन तथा पीसीआर परीक्षणमा मंगलबार १९ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

एन्टिजेन र पीसीआर विधिबाट देशभर २ हजार ८१४ जनाको नमुना परीक्षण गरिएको मन्त्रालयले जानकारी दिएको छ । १ हजार ७३१ जनाको पीसीआर परीक्षण परीक्षण गर्दा १४ जना र १ हजार ८३ जनाको एन्टिजेन परीक्षण गर्दा ५ जनामा कोरोना पुष्टि भएको हो ।

पछिल्लो २४ घण्टामा कोरोना संक्रमणबाट कसैको मृत्यु भएको विवरण प्राप्त नभएको मन्त्रालयले जनाएको छ । नेपालमा हालसम्म कोरोना संक्रमणबाट मृत्यु हुनेको संख्या ११ हजार ९५२ पुगेको छ । पछिल्लो २४ घण्टामा नेपालमा १० जना कोरोना संक्रमणमुक्त भएका छन् ।

मन्त्रालयका अनुसार देशभर हाल १२४ जना सक्रिय संक्रमित छन् ।

प्रकाशित समय : २३:१७ बजे