गुराँस लाइफ इन्स्योरेन्स कम्पनीले ११ लाख रुपैयाँभन्दा बढी रकमको मृत्यु दावी भुक्तानी गरेको छ । कम्पनीले धादिङ छत्रे देउराली वडा नम्बर ४ बसोबास गर्ने बिमित स्व. दिवाकर अधिकारीको मृत्यु दावी वापतको रकम भुक्तानी गरेको हो ।

कम्पनीको भक्तपुर शाखाका प्रमुख शोभा महतले मृतकको इच्छाइएको व्यक्ति कुमार अधिकारीलाई मृत्यु दावी वापतको चेक हस्तान्तरण गरेकी हुन् । स्व. दिवाकर अधिकारीले चलाएको मोटरसाइकललाई टिप्परले ठक्कर दिँदा सख्त घाइते भई उपचारको क्रममा मृत्यु भएको थियो । स्व. अधिकारीले पाँच लाखको गुराँस सावधिक जीवन बिमा गरेका थिए ।

हकवाला दाई कुमार अधिकारीलाई कम्पनीले मृत्यु दावी वापत बिमांक रकम, दुर्घटना रक्षावरण लाभ रकम र आर्जित बोनस गरी ११ लाख ६७ हजार रुपैयाँ बराबरको चेक हस्तान्तरण गरेको हो । दावी भुक्तानी हस्तान्तरण गर्ने क्रममा शाखा प्रमुख शोभा महतले जीवन बिमा बचत मात्र नभई आर्थिक क्षतिविरुद्धको सुरक्षा पनि भएकाले जीवन बिमा सबैका लागि अपरिहार्य रहेको बताइन् ।

प्रकाशित समय : १७:०१ बजे