नेपाल लाइफ इन्स्योरेन्स कम्पनीले जीवन बिमासम्बन्धी सचेतना कार्यक्रम प्यूठानको जूम्री बजार चोकबाट सुरु गरेको छ । सोमबारबाट सुरु भएको सडक नाटक कार्यक्रम ‘अमूल्य जीवन’ प्यूठान तथा रुपन्देहीका विभिन्न स्थानमा हुने कम्पनीले जनाएको छ ।

सरल र मर्मस्पर्सी साे सडक नाटक कार्यक्रमले स्थानीय स्तरमा आम नागरिकको घरदैलोमै पुगेर बिमाको महत्व तथा जागरणमा उल्लेखनीय भूमिका निभाउने कम्पनीले जनाएको छ । बिमा क्षेत्रको नियमनकारी निकाय बिमा समितिको निर्देशनअनुसार बिमाको जनचेतना बढाउन गरिएको कार्यक्रममा स्थानीयको उत्साहजनक उपस्थिति रहेको कम्पनीले जानकारी दिएको छ ।

कम्पनीका अनुसार स्थानीय निकायसँगको समन्वयमा यो कार्यक्रम अगाडि बढाइएको हाे ।

प्रकाशित समय : ०२:०७ बजे