बलिउड अभिनेता सलमान खानको नेपाल टुर कार्यक्रम ‘दबंग टुर रिलोडेड’ अन्तिम समयमा आएर स्थगित भएको छ । साे कार्यक्रम जेठ १४ गते दशरथ रंगशालामा हुने तय भएकाे थियाे ।

ओडीसी इन्टरटेन्मेन्टको आयोजनामा हुने भनिएकाे साे कार्यक्रममा सलमान, सोनाक्षी सिन्हा, प्रभु देवा, मनिष पल लगायतका बलिउड कलाकारहरु नेपाल आउने बताइएकाे थियाे । सलमान कार्यक्रमको अघिल्लो दिन आएर मन्त्री आलेसँग माउन्टेन फ्लाइटमा जाने कार्यक्रम तय थियो ।

कार्यक्रम स्थगित गरिएकाे विषयमा आयोजक टिमले आधिकारिक जानकारी सार्वजनिक गरेकाे छैन । यसबारे भाेलि हुने आयोजक बाेर्डले आधिकारिक निर्णय गर्ने बताइएकाे छ । कार्यक्रम केही समयका लागि स्थगित हुने वा अब हुँदै नहुने भन्ने अन्योल छ ।

‘दबंग टुर रिलोडेड’ नेपालमा दोस्रो पटक रोकिएको हो । यसअघि पनि टिकट सबै बिक्री भइसकेपछि अन्तिम समयमा कार्यक्रम रोकिएको थियो । यसपटक पनि आयोजकले टिकट बिक्री सुरु गरिसकेको थियो ।

प्रकाशित समय : ०१:२८ बजे