घरेलु मैदानमा आजदेखि सुरु भएको अन्तर्राष्ट्रिय टी–२० महिला सिरिजको पहिलो खेलमा अफ्रिकी राष्ट्र युगान्डाले नेपाललाई जितका लागि १०३ रनको लक्ष्य दिएको छ ।

कीर्तिपुरस्थित त्रिवि क्रिकेट मैदानमा टस हारेर पहिले ब्याटिङको निम्तो पाएको युगान्डाले निर्धारित २० ओभरमा ५ विकेट गुमाएर १०२ रनको योगफल बनायो । 

युगान्डाका लागि जनेट एमबाबाजीले सर्वाधिक २९ रनको योगदान दिइन् । त्यसैगरी, केभिन अविनोले १५ रन बनाइन भने फ्रान्कलिन नाजुम्बाले १२, रिता एनयागेन्गोले १८ तथा रिता मुसामालीले १३ जोडिन् । 

बलिङमा नेपालका कविता कुँवरले २ विकेट लिइन् भने कप्तान रुबीना क्षेत्री, कविता जोशी र इन्दु बर्माले समान एक /एक विकेट लिइन् । नेपाल केही समयपछि जबाफी ब्याटिङमा उत्रनेछ ।

प्रकाशित समय : २०:४४ बजे