निर्वाचन आयोगले काठमाडौं महानगरपालिकाका मेयर पदका उम्मेद्वार केशव स्थापितलाई २४ घण्टे स्पष्टीकरण सोधेको छ । यही वैशाख १५ गते काठमाडौंको नेशनल कजेलको एक अन्तरक्रियामा प्रश्नकर्ताले मिटू आरोपमाथि प्रश्न उठाएपछि स्थापितले जंगिएर ‘यू आर नाइस लेडी तर थुतुनो ठीक छैन’ भनेका थिए । आयोगले यही विषयमा स्थापितलाई स्पष्टीकरण सोधेको हो ।

यौन दुर्व्यवहारसम्बन्धी प्रश्नमा प्रश्नकर्तालाई लक्षित गरेर स्थापितले दिएको अभिव्यक्तिका सम्बन्धमा उजुरी परेपछि आयोगले स्पष्टीकरण सोधेको हो ।

स्थापितले व्यक्त गरेका कतिपय शब्दहरुबारे आयोगमा उजुरी आएकाले त्यसअनुसार के भएको हो सोबारे २४ घण्टाभित्र स्पष्टीकरण दिन भनिएको आयोगले जानकारी दिएको छ ।

प्रकाशित समय : १९:५२ बजे