निर्वाचन आयोगले सामाजिक सञ्जालमार्फत मिथ्या सूचना, दुष्प्रचार र द्वेषपूर्ण अभिव्यक्ति दिनेलाई कारबाही गर्ने चेतावनी दिएको छ । त्यस्ता अभिव्यक्ति पोष्ट भइरहेको भन्दै आयोगले यस्ता काम रोक्न उम्मेदवार तथा राजनीतिक दलहरुलाई चेतावनी दिएको हाे ।

त्यस्ता कार्य नराेकिए निर्वाचन आयोग ऐनको दफा २३ र निर्वाचन कसुर ऐन र प्रचलित कानुन अनुसार कारबाही गर्ने आयोगले बताएको छ । आयोगले मिथ्या सूचना, दुष्प्रचार र द्वेषपूर्ण अभिव्यक्तिको परिभाषा गरेको छ । जसअनुसार भनिएको छ, निर्वाचनसम्बन्धी कुनै कार्य गर्दा/गराउँदा कसैलाई हानी नोक्सानी पुर्‍याउने नियत राखी/नराखी वा उक्त सूचना झुटो हो भन्ने बुझी/नबुझी सम्प्रेषित गरिएको भ्रामक सूचनालाई मिथ्या सूचना भनिन्छ ।

प्रकाशित समय : ००:५७ बजे