भिभोको नयाँ स्मार्टफोन भी८० नेपालमा सार्वजनिक, मूल्य १ लाख ८ हजार ९९९ रुपैयाँदेखि
सेयर बजारमा झन्डै १०० अंकको वृद्धि
वि.सं.२०७९ वैशाख ११ आइतवार २१:४०
18.71K
shares
shares
साताको पहिलो दिन सेयरबजार उच्च अंकले उकालो लागेको छ । निरन्तर ओरालो लागिरहेको सेयर बजार धेरै दिनपछि आज उच्च अंकले उकालो लागेको हो । कारोबारको पहिलो दिन आज सेयर बजार ४.११ प्रतिशतले उकालो लागेको हो । आज सेयर बजार परिसूचक नेप्से करिब १०० अंकले उकालो लागेकाे हो ।
आज नेप्से उत्साहजनक तरिकाले उकालो लागेसँगै कारोबार रकम पनि पढ्को छ । १ अर्बको वरिपरिमा कारोबार भइरहेको सेयरबजारको कारोबार रकम आज २५३.१३ करोड बराबरको कारोबार भएको छ । आज नेप्सेमा भएका विभिन्न २३८ कम्पनीका सेयर कारोबार भएको छ । आज ११ करोड ७६ लाख सेयर खरिद बिक्री भएका छन् । आज कारोबारमा आएका विभिन्न ४ ओटा कम्पनीको मूल्य भने ओरालो लागेको छ ।
नेप्से बढेसँगै आज सेयर बजार अन्य १३ वटै उपसमूहका सूचकहरु पनि उकालो लागेका छन् । आज वित्तीय सूचक उपसमूह ८.६० प्रतिशतले, जलविद्युत ७.३२, विकास बैंक ६.५७, लगानीको ५.६६ निर्जीवन बिमा तथा अन्य ४ प्रतिशतले उकालो लागेका छन् ।
