बैशाख ३० गते हुने स्थानीय तहको निर्वाचनमा उम्मेदवारी दिनका लागि दाङमा एक वडाअध्यक्षले राजिनामा दिएका छन् । लमही नगरपालिका वडा नम्बर ३ का वडाध्यक्ष बाबुराम चौधरीले आगामी निर्वाचनमा उम्मेदवारी दिनका लागि राजिनामा दिएका हुन् ।

बैशाख ३० मा हुने स्थानीय निर्वाचनमा नेकपा माओवादी केन्द्रबाट वडाध्यक्ष पदमा उम्मेदवारी दिन भन्दै उनले आज राजिनामा दिएका हुन् । उनले लमही नगरपालिकाका प्रमुख कुलबहादुर केसीसमक्ष लिखितरूपमा राजीनामा पत्र बुझाएका छन् । आउँदै गरेको स्थानीय तह निर्वाचनमा बहालवाला जनप्रतिनिधिले राजीनामा दिए मात्र उम्मेदवार बन्न पाउने  प्रावधान रहेको छ । 

प्रकाशित समय : २१:२३ बजे