भारतबाट पेट्रोलको मूल्य घटेर आएको  छ । इन्डियन आयल कर्पोरेसन (आइओसी)ले सोमबार पठाएको पेट्रोलियम पदार्थको नयाँ मूल्यसूचीअनुसार पेट्रोलको मूल्य प्रतिलिटर ४ रुपैयाँ ७९ पैसा घटेको हाे ।

डिजेल र हवाई इन्धनको मूल्य भने बढेर आएको नेपाल आयल निगमले जानकारी दिएको छ । निगमका अनुसार डिजेलको मूल्यमा प्रतिलिटर २ रुपैयाँ २ पैसा र हवाई इन्धनमा ३८ पैसा बढेको छ । यही मूल्यअनुसार सोमबार बेलुकासम्म मूल्य समायोजन गर्ने निगमले जानकारी दिएको छ ।

यसअघि १ अप्रिलमा आइओसीले नयाँ मूल्य सूची पठाएको थियो ।

प्रकाशित समय : २१:५७ बजे