साताको दोस्रो कारोबार दिन आज मंगलबार सेयर बजार २४ सय बिन्दुबाट पनि तल झरेको छ । नेपाल स्टक एक्सचेन्जका अनुसार बजार परिसूचक नेप्से ३४.७८ अंकले घटेर २३८५.०२ बिन्दुमा झरेको हो ।

'क' वर्गका कम्पनीको कारोबार मापन गर्ने सेन्सिटिभ सूचक पनि ५.५२ अंकले घटेको छ । आज काराेबार रकम पनि घटकाे छ । २ सय ३७ कम्पनीको ३७ लाख ८३ हजार कित्ता सेयर बिक्री हुँदा १ अर्ब ५२ करोड ४३ लाख रूपैयाँ बराबरको काराेबार भएकाे छ ।

आज होटल र पर्यटन झिनो अंकले बढे पनि बाँकी १२ सूचक राताम्य छन् । मंगलबार १३ कम्पनीको सेयर बढ्दा १ सय ७७ कम्पनीको सेयर मूल्य ओरालो लागेको छ । आज पनि नेस्डोका लगानीकर्ताले १० प्रतिशत कमाएका छन् । अन्य लगानीकर्तालाई सेयरबजारले निराश बनाएको छ । आज सर्वाधिक गुमाउनेमा इमर्जिङ नेपालका लगानीकर्ता छन् । कारोबारमा भने आज हिमालयन डिस्टिलरीको सर्वाधिक ५ करोडको कारोबार भएको छ ।

साेमबार नेप्से ४४.६४ अंकले घटेको थियाे । २४१९.७१ बिन्दुमा झरेको सेयर बजारमा साेमबार ५० लाख ९५ हजार ३४ कित्ता सेयर २ अर्ब २६ करोड ७ लाख ८६ हजार ६२ रुपैयाँमा कारोबार भएको थियाे ।

प्रकाशित समय : २१:३८ बजे