नयाँ वर्षको अवसरमा नेपाल टेलिकमले नयाँ वर्ष अफर सार्वजनिक गरेको छ । नेपाल टेलिकमले अनलिमिटेड डेटा र भ्वाइस सहितको नयाँ वर्ष अफर सार्वजनिक गरेको हो । यो अफर चैत २९ देखि वैशाख ३ गतेसम्म उपलब्ध हुनेछ ।

अफरअन्तर्गत २४ घण्टासम्म प्रयोग गर्न सकिने एक एमबीपीएस अनलिमिटेड डेटा र अन-नेट अनलिमिटेड कुराकानी गर्न सकिने प्याक जम्मा ४९ रुपैयाँमा उपलब्ध हुनेछ । त्यस्तै, ३ दिनसम्म प्रयोग गर्न सकिने ६ जीबी डेटा प्याक जम्मा ९८ रुपैयाँमा खरिद गर्न सकिनेछ । *१४१५*११# डायल गरी वा ‘नेपाल टेलिकम एप’ प्रयोग गरी सो सुविधा खरिद गर्न सकिन्छ ।

यसका साथै दुई सय रुपैयाँदेखि चार सय ९९ रुपैयाँसम्मको एमपोस रिचार्ज गर्दा दुई दिनसम्म प्रयोग गर्न सकिने १ जीबीको डेटा प्याक र पाँच सय रुपैयाँ तथा सोभन्दा बढीको एमपोस रिचार्ज गर्दा ४ दिनसम्म प्रयोग गर्न सकिने २ जीबी डेटा प्याक पनि उपलब्ध गराइएको छ ।

प्रकाशित समय : १६:१२ बजे