गायक सुजन चापागाईंको युट्युब च्यानलबाट शनिबार  'घुमी घुमी' शिर्षककाे म्युजिकल फिल्म सार्वजनिक भएकाे छ । यसका गीतकार हर्क साउद हुन् । १७ मिनेट २८ सेकेण्डको म्युजिकल फिल्मलाई नवीन चौहानले निर्देशन गरेका छन् । कथा पनि निर्देशक चौहानकै हो । भिडियोमा अभिनेता विपिन कार्की र कलाकार अन्जना बराइलीको अभिनय छ । 'घुमी घुमी'ले नेपाली समुदायको कथालाई फरक ढंगले प्रस्तुत गरेको छ । बसाइँसराइको आन्तरिक पाटाे र यसका प्रभावबारे केलाउँदै लोक संस्कृति, लोक विचार, लोक भावनाका कुराहरू म्युजिकल फिल्मले भनेकाे छ ।

भिडियो हेर्दा कतिपयलाई अलि लाम्चो लाम्चो, केही नमिलेको हो कि जस्तो लाग्न सक्छ । निर्देशक चौहानका अनुसार यो कुनै प्राविधिक त्रुटि होइन । यसपालि निर्माण टिमले 'एनामोर्फिक लेन्स'को प्रयोग गरेकाले त्यस्तो देखिएको हो । यसको इमेजमा बानी नबसेक कारण अलि अनौठो हुने उनकाे भनाइ छ । म्युजिकल फिल्ममा विपिन र अञ्जनासँगै सम्रान्त थापा र हर्क साउदको अभिनय छ । गीतलाई गंगा थापाले एरेन्ज तथा पार्श्वसंगीत र मिक्सिङ, मास्टरिङ कोबिद बज्रले गरेका हुन् ।  भिडियोलाई महेश पौडेलले खिचेका छन् भने सुरज पौडेलले सम्पादन गरेका छन् ।

भिडियो :

प्रकाशित समय : २३:५३ बजे