नाबालिका बलात्कार अभियोगमा थुनामा रहेका अभिनेता पल शाहको निवदेनको पेसी तोकिएको छ । अभिनेता शाहले पोखरा उच्च अदालत दिएको निवेदन न्यायाधीश रमेशप्रसाद राजभण्डारीको इजलासमा परेको हो ।

शाहले मुलुकी फौजदारी कार्याविधि संहिता, २०७४ को दफा ७३ बमोजिम शाहले साधारण तारेखमै रिहा हुन पाउनुपर्ने मागसहित मंगलबार उच्च अदालत पोखरामा निवेदन दर्ता गराएका थिए ।

गत चैत १० गते जिल्ला अदालत तनहुँले शाहले जबरजस्ती करणी गरेको देखिएको भन्दै पुर्पक्षका लागि थुनामा पठाउन आदेश दिएको थियो । उक्त मुद्दामा अदालतको आदेश विरुद्ध शाहले दिएको निवेदनमा आजका लागि दैनिक पेसी तोकिएको हो ।

प्रकाशित समय : १८:०५ बजे