गृहपृष्ठ पपुवा न्युगिनीमाथि नेपालको दोस्रो जित
पपुवा न्युगिनीमाथि नेपालको दोस्रो जित
'आइसीसी क्रिकेट विश्वकप लिग दुई'अन्तर्गतको त्रिकोणात्मक एकदिवसीय सिरिजमा नेपालले पपुवा न्युगिनी (पीएनजी) लाई सात विकेटले पराजित गरेको छ ।
दुबई क्रिकेट रंगशालामा १ सय ७४ रनको लक्ष्य नेपालले ३७ ओभरमा ३ विकेट गुमाएर पूरा गर्याे । नेपालको जितमा आरिफ शेखले ५९ अर्धशतकीय योगदान गरे । रोहित पौडेलले ४४ रन जोडे । पीएनजीका चार्ल्स अमिनीले दुई विकेट लिए । काबुआ मोरेले १ विकेट हात पारे । यसअघि टस हारेर पहिले ब्याटिङ गरेको पीएनजीले निर्धारित ५० ओभरमा ८ विकेट गुमाउँदै १ सय ७३ रन जोड्यो ।
पीएनजीका लागि कप्तान असाद भालाले सर्वाधिक ४५ रनको योगदान गरे । लेगा सियाका २० तथा सेसे वाउ १९ रनमा आउट भए ।
नेपालका लागि कप्तान सन्दीप लामिछाने र सोमपाल कामीले समान दुई-दुई विकेट हात पारे । करण केसी, आरिफ शेख, दिपेन्द्र सिंह ऐरी र पवन सर्राफले एक-एक विकेट लिए ।
सिरिजमा नेपालले पहिलो खेलमा पपुवा न्युगिनीलाई २ विकेटले हराएको थियो । युएईसँग भने नेपाल ४८ रन र ९९ रनले पराजित भएको थियो ।
प्रकाशित समय : ००:१२ बजे
