आइसीसी पुरुष क्रिकेट विश्व कप लिग दुई अन्तर्गतको आयोजक युएईले नेपाललाई २ सय ३ रनको लक्ष्य दिएको छ । दुबई क्रिकेट रंगशालामा टस हारेर पहिले ब्याटिङ गरेको युएईले निर्धारित ५० ओभरमा ९ विकेट गुमाउदै २ सय २ रन जोड्यो । 

युएईका लागि रोहन मुस्तफाले सर्वाधिक ६० रनको योगदान गरे । मुस्तफाले ५०औं एकदिवसीय खेलमा एक हजार रनसमेत पूरा गरेका छन् । ओपनर मुहम्मद रिजवानले ३३ रन जोडे । चिराग सुरीले २६ र भृत्या अरविन्दले २४ रन जोडे । बसिल हमिद १७ रनमा आउट भए ।

करण केसी र सोमपाल कामीले समान दुई विकेट हात पारे । आरिफ शेख र दिपेन्द्र सिंह ऐरीले एक-एक विकेट लिए ।

प्रकाशित समय : २१:०२ बजे