भारतमा कोरोना भाइरसबाट दैनिक संक्रमितको संख्या दिनप्रति दिन घट्दै गइरहेको छ । भारतमा पछिल्लो २४ घण्टामा २ हजार भन्दा कम संक्रमित भएका हिजो दोस्रो दिन भएको केन्द्रीय स्वास्थ्य तथा परिवार कल्याण मन्त्रालयले सोमबार जानकारी दिएको छ ।

गत २४ घण्टामा तीन लाख ८४ हजार ४९९ को कोरोना परीक्षण गरिएकोमा एक हजार ५४९ मा मात्र कोरोना संक्रमण भएको जनाइएको छ । आइबार मन्त्रालयले दिएको जानकारी अनुसार शनिबार एक हजार ७६१ मा यो संक्रमण देखिएको थियो । योसँगै भारतमा अहिले संक्रमित अवस्थामै रहेकाको संख्या भने २५ हजार १०६ पुगेको अधिकारीले जनाएका छन् । सक्रिय संक्रमितकाे यो संख्या कूल ०.०६ प्रतिशत रहेको समाचारमा जनाइएको छ ।

पछिल्लो २४ घण्टामा कोरोनाभाइरस संक्रमणका कारण ३१ जनाको मृत्यु भएको सो मन्त्रालयले जानकारी दिएको छ । यसैसँगै भारतमा कोरोना शुरु भएदेखि हालसम पाँच लाख १६ हजार ५१० को मृत्यु भइसकेको छ । स्वास्थ्य मन्त्रालयका अनुसार सोही अवधिमा दुई हजार ६५२ कोरोना भाइरसबाट संक्रमण मुक्त भएका छन् । एउटै अवधिमा नयाँ संक्रमितकाे संख्या भन्दा मुक्त भएकाको धेरै भएकाले सक्रिय संक्रमित पनि घट्दै गइरहेका हुन् ।

भारत सन् २०२१ को जनवरी १६ बाट कोरोना भाइरविरुद्ध खोप अभियान शुरु भएको थियो । सो समयबाट हालसम्म कोरोना भाइरसविरुद्धको एक अर्ब ८३ करोड ५२ लाख २५ हजार ६० डोज खोप लगाइएको छ ।

प्रकाशित समय : १९:१४ बजे