चिकित्सा शिक्षा आयोगद्वारा सिट निर्धारणसुखानीको ५० बर्ष, सहयोद्धालाई श्रद्धाञ्जली दिन ओली झापा गए
वि.सं.२०७८ फागुन २१ शनिवार १६:४७
9.47K
shares
shares
सुखानी हत्याकाण्डको ५० वर्ष वितेको छ । २०२८ सालमा शुरु भएको झापाली कम्युनिस्ट क्रान्तिका चार योद्धा नेत्र घिमिरे, रामनाथ दाहाल, वीरेन राजवंशी र कृष्ण कुँइकेललाई जेल सार्ने वहानामा २०२९ साल फागुन २१ गतेका दिन इलाम र झापाको सीमानामा पर्ने सुखानीको जंगलमा लगेर हत्या गरिएको थियो ।
केपी शर्मा ओली र सीपी मैनालीसँगै झापा क्रान्तिमा होमिएका उनीहरु आजकै दिन पञ्चायती शासकबाट मारिएका थिए ।
त्यसबेला ओलीलाई रौतहटमा पक्राउ गरी गोलघरको जेलमा १४ वर्ष यातनाका साथ राखिएको थियो । आफ्ना पाँचजना सहयोद्धाहरुको स्मृतिमा श्रद्धान्जली अर्पण गर्न नेकपा एमालेका अध्यक्ष ओली आज झापाको सुखानी गएका छन् ।
नेकपा एमालेले हरेक वर्ष सुखानी दिवस मनाउने गरेको छ । सुखानीमा एमालेले पाँच शहीदको शालिक स्थापना गरेर पार्क बनाएको छ । ओली नेतृत्वको सरकारले २०७२ साल फागुन १९ गते सुखानीमा मारिएका योद्धालाई शहीद घोषणा गरेको थियो ।
