नेपालीद्वारा सञ्चालित सिड्नीको बरुडस्थित एड्भान्स कलेजले ‘इनर वेष्ट लोकल बिजनेस अवार्ड २०२१’ प्राप्त गरेको छ । विगत आठ वर्षदेखि अष्ट्रेलियाका सिड्नीमा स्थापना भएर एज्ड केयर र डिस्याबीलिटी कोर्षको अध्यापन र तालिम दिँदै आएको कलेजले अवार्ड पाएको हो ।

एनएसडब्लु राज्य सरकारका प्रतिनिधि, स्थानीय काउन्सिल, न्युज च्यानल, आयोजक संस्थाका प्रतिनिधिहरुको उपस्थितिमा विभिन्न विधामा छानिएका र उपाधि प्राप्त गरेका स्थानीय बिजनेसलाई नोभेम्बर १७ तारिखका दिन अवार्ड प्रदान गरिएको छ । इनर वेष्ट क्षेत्रमा शैक्षिक सेवा दिँदै आएका ६२ वटा शैक्षिक संस्था सहभागी थिए । जसमध्ये सबैलाई उछिनेर एड्भान्स कलेजले अवार्ड हात पारेको हो ।

एज्ड केयर र डिस्याबीलिटी कोर्षको अध्यापन तथा तालिम दिँदै आएको कलेजले विद्यार्थीहरुलाई सम्बन्धित क्षेत्रमा रोजगारीको अवसरसमेत प्रदान गर्दै आएको छ । अष्ट्रेलियामा एज्ड केयर, नर्सिङ र डिस्याबीलिटीको क्षेत्र रोजगारी र आम्दानीको दृष्टिकोणले राम्रो मानिन्छ ।

प्रकाशित समय : १६:२१ बजे