जुवातास खेलिरहेको अवस्थामा विभिन्न स्थानबाट प्रहरीले ७४ जनालाई पक्राउ गरेकाे छ । उनीहरूकाे साथबाट नगद र तास तथा काैडासमेत बरामद भएकाे प्रहरीले जनाएकाे छ । प्रहरीका अनुसार पर्वतकाे जलजला गाउँपालिका-३ मल्लाज माझफाट बस्ने कृष्ण बरुवालको घरमा तास खेलिरहेको अवस्थामा सोही ठाउँ बस्ने ५० वर्षीय मोहन जिसीलगायत ८ जनालाई आइतबार दिउँसो प्रहरीले पक्राउ गरेको छ । उक्त घरमा जुवातास खेलिरहेको भन्ने खबर प्राप्त हुनासाथ जिल्ला प्रहरी कार्यालय पर्वतबाट खटिएको प्रहरीले उनीहरुलाई नगद ८२ हजार ६ सय ९० रुपैयाँ र तास सहित  पक्राउ गरेको हो ।

नवलपरासी (पूर्व), गैंडाकोट नगरपालिका-१ मिलन टोल बस्ने ओम ढकालको घरबाट तास खेलिरहेको अवस्थामा सोही ठाउँ बस्ने ४९ वर्षीय भिम लाल शर्मालगायत ८ जना आइतबार दिउँसो पक्राउ परेकाे प्रहरीले जनाएकाे छ । उक्त घरमा जुवातास खेलिरहेको भन्ने खबर प्राप्त हुनासाथ ईलाका प्रहरी कार्यालय गैंडाकोटबाट खटिएको प्रहरीले उनीहरुलाई नगद १ लाख ८९ हजार ३ सय ८० रुपैयाँ र ३ बुक तास सहित पक्राउ गरेको हो ।

कञ्चनपुर, भिमदत्त नगरपालिका-४, गल्ली नम्बर ५ मा बस्ने ३५ वर्षीय बुद्धि सागर शर्माको बिलियड स्नोकर एण्ड पुल एसोसिएसनमा तास खेलिरहेको अवस्थामा शर्मालगायत ११ जनालाई आइतबार साँझ प्रहरीले पक्राउ गरेको छ । उक्त एसोसिएसनमा जुवातास खेलिरहेको भन्ने खबर प्राप्त हुनासाथ जिल्ला प्रहरी कार्यालय कञ्चपुरबाट खटिएको प्रहरीले उनीहरुलाई नगद ५५ हजार ७ सय ११ रुपैयाँ र १ बुक तास सहित पक्राउ गरेको हो ।

त्यसैगरी, दाङकाे घोराही उपमहानगरपालिका-१४, रझेना बस्ने २५ वर्षीय यज्ञ खड्काको घरमा कौडा खेलिरहेको अवस्थामा रोल्पा रून्टीगढी गाउँपालिका बस्ने ४३ वर्षीय रूपलाल बिकलगायत २० जनालाई आइतबार राति प्रहरीले पक्राउ गरेको छ । उक्त घरमा जुवा खेलिरहेको भन्ने खबर प्राप्त हुनासाथ जिल्ला प्रहरी कार्यालय दाङबाट खटिएको प्रहरीले उनीहरुलाई नगद ४ लाख ६४ हजार ८ सय ८१ रुपैयाँ र १६ थान कौडा सहित पक्राउ गरेको हो । 

प्रहरीका अनुसार बर्दिया, गुलरिया नगरपालिका-७, गुलरियागाउँ बस्ने रमेश यादवको घरमा तास खेलिरहेको अवस्थामा सोही ठाउँ बस्ने ४३ वर्षीय रमेश यादवलगायत ९ जना आइतबार राति पक्राउ परेका छन् । उक्त घरमा जुवातास खेलिरहेको भन्ने खबर प्राप्त हुनासाथ उनीहरुलाई नगद १ लाख ९८ हजार ५ सय ५ रुपैयाँ र १ बुक ताससहित पक्राउ गरेको हो । कैलाली, बर्दगोरिया गाउँपालिका-६ पृथ्वीपुरस्थित कच्ची घरमा तास खेलिरहेको अवस्थामा सोही गाउँपालिका-५ बस्ने ३६ वर्षीय शुनिल चौधरीलगायत १८ जनालाई आइतबार राति प्रहरीले पक्राउ गरेको छ । उक्त घरमा जुवातास खेलिरहेको भन्ने खबर प्राप्त हुनासाथ उनीहरुलाई नगद १ लाख ८० हजार ७ सय ५० रुपैयाँ र २ गड्डी ताससहित पक्राउ गरेको हो ।

प्रकाशित समय : २१:५२ बजे