कार्यवाहक प्रधान सेनापति प्रभुराम शर्माले प्रधानसेनापतिको नियुक्तिपत्र बुझेका छन् । रक्षा मन्त्रालयका सचिव बेगेन्द्र शर्मा पौड्यालले बुधबार शर्मालाई नियुक्ति पत्र हस्तान्तरण गरेका हुन् । साउन २६ बाट उनी कायममुकायम प्रधान सेनापति छन् ।

मन्त्रिपरिषद्को सिफारिसमा राष्ट्रपतिले भदौ २४ बाट लागु हुने गरी रथी शर्मालाई प्रधान सेनापति नियुक्ति गरेकी थिइन् । मन्त्रालयमा आयोजित कार्यक्रममा रक्षा सचिव पौड्यालले शर्मालाई नियुक्ति पत्र हस्तान्तरण गरेको सैनिक जनसम्पर्क तथा सूचना निर्देशनालयले जनाएको छ ।

कार्यक्रममा नेपाली सेनाका पीएसओज, रथीवृन्द तथा रक्षा मन्त्रालयका अधिकृतहरूको सहभागिता थियो । रक्षा सचिवले कार्यवाहक प्रधान सेनापति शर्मालाई सफल कार्यकालको शुभकामना दिएका छन् ।

प्रकाशित समय : २०:३७ बजे