खल्तीमा दर्ता गरिएको मोबाइल नम्बर टपअपमा १० प्रतिशत क्यासब्याक पाइने अफर खल्ती डिजिटल वालेटले ल्याएको छ । खल्ती डिजिटल वालेट नेपाल राष्ट्र बैंकबाट मान्यता प्राप्त अनलाइन भुक्तानी सेवा प्रदान गर्ने कम्पनी हो ।

यो अफर टपअप सेवामा हालसम्म नेपालकै सबैभन्दा बढी प्रदान गरिएको क्यासब्याक रहेको छ । प्रयोगकर्ताको लागि रहेको यस अफरले मोबाइल टप अप गर्न पसल धाइरहनुपर्ने र रिचार्ज कार्ड स्क्र्याच गर्नपर्ने झन्झटलाई न्युनीकरण गरी ग्राहकको पैसा र समयको बचत गर्न उक्त अफर सञ्चालनमा ल्याइएको खल्तीको ब्राण्ड तथा मार्केटिङ प्रबन्धक शिरिष श्रेष्ठले बताए । एनसेल, नेपाल टेलिकम र स्मार्टको टपअपमा लागु हुने यो अफरअन्तर्गत क्यासब्याक पाउन जुन नम्बरमा आफ्नो खल्ती आइडी रहेको छ सोही नम्बर खल्तीबाट रिचार्ज गर्नपर्ने हुन्छ । साथै खल्ती केवाइसी पनि भेरीफाई भएको युजर खाता हुनपर्नेछ ।

यो योजना श्रावण ७ देखि सुरु भइ सीमित समयावधिको मात्र लागि हुनेछ । क्यासब्याक हरेक नेपाली महिनाअनुसार एक महिनाको अधिकतम १०० हुनेछ भने त्यसपश्चात् सामान्य रूपमा पाइने १ प्रतिशत क्यासब्याक उपलब्ध हुनेछ । आफ्नो बाहेक अरुको नम्बर रिचार्जमा पनि सामान्य रूपमा पाइने १ प्रतिशत क्यासब्याक उपलब्ध हुनेछ । साथै रिचार्ज गर्दा सम्पूर्ण क्यासब्याक नदेखिए पनि शर्त पूरा भएको खण्डमा भए Transaction History मा पुरै क्यासब्याक पाएको देख्न सकिने मार्केटिङ प्रबन्धक श्रेष्ठले जानकारी दिए  ।

१० प्रतिशत क्यासब्याक प्राप्त गर्न :

१. खल्ती एपको टपअप अप्सनमा गई खल्ती आइडीमा रजिस्टर गरिएको मोबाइल नम्बर र रिचार्ज गर्न चाहेको रकम दाखिला गर्ने 

२.सबै विवरण ठीक भएको निश्चित गरी 'ओके' बटनमा ट्याप गर्ने

१० प्रतिशत अफरसम्बन्धी थप शर्तहरु खल्तीको ब्लगमा गई हेर्न सकिन्छ ।

खल्ती डिजिटल वालेट

१७ लाखभन्दा बढी प्रयोगकर्ता भएको खल्तीले विगत चार वर्षभन्दा बढी समयदेखि नेपाली समाजलाई डिजिटाइज गर्न निरन्तर रुपमा योगदान पुर्‍याउदै आइरहेको छ । ’खल्ती’ वालेटको प्रयोग गरी ६० भन्दा बढी बैंक तथा वित्तीय संस्थामा पैसा पठाउन सकिन्छ । साथै मोबाइल रिचार्ज, बिजुली, पानी, इन्टरनेट तथा टिभीको बिल भुक्तानी, फिल्म, फोहोर व्यवस्थापन शुल्क, सरकारी कर तथा सेवा शुल्क तिर्ने जस्ता धेरै सेवाहरु लिन सकिन्छ ।

थप जानकारीको लागि +९७७–९८०१३०११६१ मा पूर्ण कुमार रानालाई सम्पर्क वा purna.rana@khalti.com मा ईमेल गरि बुझ्न सकिने छ ।