सिक्टा र बबई आयोजनाबाट थप १५० हेक्टरमा सिँचाइ सुविधा
सुनको मूल्य एकै दिन १५०० रूपैयाँ घट्यो
वि.सं.२०७८ जेठ २१ शुक्रवार १७:३२
24.3K
shares
shares
साताको अन्तिम दिन शुक्रबार सुनको मूल्य घटेको छ । नेपाल सुनचाँदी व्यवसायी महासंघका अनुसार बिहीबार ४ सय रूपैयाँ बढेको सुनको मूल्य शुक्रबार १ हजार ५ सय रूपैयाँले घटेको हो ।
आज छापावाल सुन तोलामा ९३ हजार ४ सय रूपैयाँमा कारोबार भइरहेको छ । बिहीबार छापावाल सुन तोलामा ९४ हजार ९ सय रूपैयाँमा कारोबार भएको थियो । त्यस्तै बिहीबार ९४ हजार ४ सय रूपैयाँ कायम गरिएको तेजावी सुनको मूल्य आज ९२ हजार ९ सय रूपैयाँ तोकिएको छ ।
शुक्रबार चाँदीको मूल्य पनि घटेको छ । महासंघका अनुसार बिहीबार १ हजार ३७५ रूपैयाँमा कारोबार भएको चाँदी शुक्रबार ३५ रूपैयाँ घटेर १ हजार ३४० रूपैयाँमा कारोबार भइरहेको छ । बिहीबार चाँदीको मूल्य १० रूपैयाँ बढेको थियो ।
