तराईकोका विभिन्न जिल्लामा बाक्लो हुस्सु तथा कुहिरो लागेको छ । आज सबैभन्दा चिसो नेपालगञ्जमा रहेको मौसम पूर्वानुमान महाशाखाले जनाएको छ । महाशाखाका अनुसार आज नेपालगञ्जमा ५.५ डिग्री सेल्सियस तापक्रम रहेको छ । त्यस्तै कैलालीमा ६, भैरहवामा ६, सिमरामा ७.५, जनकपुरमा ६.६ र विराटनगरमा ८.८ डिग्री सेल्सियस तापक्रम रहेको छ ।

पश्चिम तराईमा बिहानको समय थोरै स्थानहरुमा हुस्सु तथा कुहिरो लागेको भएता पनि अपरान्हसम्ममा सुधार हुने सम्भावना रहेको छ । महाशाखाका अनुसार मध्य तराईका केही स्थानमा बाक्लो हुस्सु तथा कुहिरो लागेको छ । अपराह्नपछि सुधार हुने देखिन्छ ।

पूर्व तराईमा पनि बिहानको समयमा अधिकांश स्थानहरुमा हुस्सु/कुहिरो लागेको भएता पनि अपरान्हसम्ममा सुधार हुने देखिन्छ । कुहिरो तथा हुस्सु लागेको केही स्थानहरुमा राम्रोसँग घाम नलाग्ने भएकोले चिसोबाट बच्ने उपायहरु अपनाउन महाशाखाले अनुरोध गरेको छ ।

प्रकाशित समय : १५:३७ बजे