नेपाल कम्युनिष्ट पार्टी (नेकपा)को प्रचण्ड-नेपाल पक्षले संसदीय दलको नेता पुष्पकमल दाहाल 'प्रचण्ड'लाई बनाएको पत्र संसद सचिवालयले दर्ता गर्न अस्वीकार गरेको छ । संसद सचिवालयका महासचिव भरतराज गौतमले कानुनी परामर्श लिएपछि मात्रै पत्र दर्ताका विषयमा अघि बढ्ने बताएका छन् ।

प्रचण्ड-नेपाल पक्षको पत्र महासचिव गाैतमले लिएर राखे पनि दर्ताको प्रक्रिया बढाएका छैनन् । महासचिव गाैतमले दर्ता प्रक्रिया बुझेपछि मात्रै जवाफ दिने बताएका छन् । प्रचण्ड-नेपाल पक्षका सांसदहरूले पत्र दर्ता नगर्नुको कारण लिखित रूपमै दिन माग गरेका छन् ।

दलका नेता परिवर्तनबारे सूचना दिन प्रचण्ड, माधवकुमार नेपाल, झलनाथ खनाल सहितका नेताहरु संसद सचिवालयका महासचिव भरतराज गौतमको कार्यकक्षमा पुगेका छन् । प्रचण्ड माधव समूहले गत शुक्रबार ११५ जना सांसदको उपस्थितिमा बैठक गरी संसदीय दलको नेतामा प्रचण्डलाई चयन गरेको दावी गरेको थियो ।

प्रकाशित समय : २०:३६ बजे