nmb bank

गृहपृष्ठ दरवाङ्ग म्याग्दि जलविद्युत आयोजना, २५मे.वा को वित्तिय सम्झौता

दरवाङ्ग म्याग्दि जलविद्युत आयोजना, २५मे.वा को वित्तिय सम्झौता

दरवाङ्ग म्याग्दि जलविद्युत आयोजना, २५मे.वा को वित्तिय सम्झौता

काठमाडौं, फागुन ३ ।  म्याग्दी जिल्लाको म्याग्दि खोलामा निर्माण हुने २५ मेगावाटको जलविद्युत उत्पादनको लागि वित्तिय व्यवस्थापन सम्झौता २०७४ फाल्गुण २ गते सम्पन्न भयो । सानिमा बैंक लि. को नेतृत्वमा प्रभू बैंक, कुमारी बैंक, सेन्चुरी बैंक, मुक्तिनाथ विकाश बैंक र महालक्ष्मी विकाश बैंकले रु. ३ अरव ५० करोडको ऋण लगानि गर्ने भएका हुन । कुल लगानि ५ अरव १४ करोड रहने परियोजनामा बाँकी स्वपुँजि रहनेछ भने निर्माण अवधिमा नै स्वपुँजिका ३० प्रतिशत सर्वसाधारण शेयर जारी गरिनेछ ।
सन् २००७ मा स्थापना भएको धौलागिरी कालिका हाइड्रो कम्पनीले म्याग्दि खोलामा २५ मेगावाटको जलविद्युत परियोजना आगामि ३ बर्ष ६ महिना भित्र निर्माण सम्पन्न गर्ने लक्ष्य लिएकोे छ । पानीको वहाभ ३१.४ घनमिटर प्रतिसेकेण्ड रहेको आयोजनाको ग्रस हेड १०४ मिटर रहेको छ । दरबाङको डुकुगाउँमा रहेको खोलाको पानीलाई ५ कि.मि. सुरुङ्ग निर्माण गरि २०० मिटरको पेनस्टक पाईपबाट पावरहाउसमा झारी विद्युत उत्पादन गरिनेछ । पावर हाउस र ईन्टेक सम्म नै सडक पहुँच रहेको परियोजनाको उत्पादीत विद्युत १४ किलोमिटर लामो १३२ के.भि. ट्रान्समिसन लाईन हुँदै प्रस्तावित डाँडाखेत सवस्टेसन मार्फत राष्ट्रिय प्रसारण लाईनमा जोडिनेछ ।
परियोजनामा स्थानिय लगानिकर्ताहरुका साथै म्याग्दि जिल्लामा जन्मिएर प्रवासमा रहनु भएका लगानि कर्ताहरुको वाहुल्यता रहेको छ । एनआरएनए हङ्गकङ्ग समुह, काठमाण्डौ म्याग्दि ईन्भेष्टमेण्ट कम्पनी र ग्लोवल फ्रेण्डसिप क्यापिटल लिमिटेड मुख्य प्रवद्र्धक रहको परियोजनामा एनआरएनएका एसिया प्रशान्त उप संयोजक विनोद कुँवर अध्यक्ष हुनुहुन्छ । एनआरएन हरुले देश विकाशमा योगदान दिएको एक उदाहरणको रुपमा यस परियोजनालाई लिन सकिन्छ ।
स्थानिय दरवाङ्ग क्षेत्रका साथै म्याग्दि जिल्ला हुदै समग्र राष्ट्र विकाशमा योगदान दिंदै समयमा परियोजना सम्पन्न गरि लगानिकर्ताहरुलाई उचित प्रतिफल दिने कम्पनीको लक्ष्य रहेको छ ।

प्रकाशित समय : १९:४२ बजे

प्रतिक्रिया दिनुहोस्

सम्बन्धित शीर्षकहरु