जिल्ला ट्राफिक प्रहरी कार्यालय सुर्खेतले गत वर्ष ८७ लाख ८९ हजार राजस्व संकलन गरेको छ । सवारी अनुमति पत्र नबोकेका, म्याद नाघेका, क्षमताभन्दा बढी यात्रु बोकेका, मादक पदार्थ सेवन गरी सवारी चलाएकोलगायत शीर्षकमा गरिएको कारबाहीबाट सो राजस्व संकलन भएको जिल्ला ट्राफिक प्रहरी कार्यालय सुर्खेतले जनाएको छ ।

त्यस्तै, जिल्लाभर गत वर्ष भएका ७८ वटा सवारीसाधन दुर्घटनामा परी सुर्खेतमा ३५ जनाले ज्यान गुमाएका छन् भने ७० जना गम्भीर घाइते भएका छन् । गत वर्षभर भएका साना–ठूला टा«फिक दुर्घटनामा २ सय ६० जना सामान्य घाइते भएको कार्यालयले जानकारी दिएको छ । जिल्ला ट्राफिक प्रहरी कार्यालय सुर्खेतका प्रमुख हरि बिसीका अनुसार आर्थिक वर्ष २०७३/७४ मा ट्राफिक कार्यालयले ६९ लाख २८ हजार ५ सय रुपैयाँ राजस्व संकलन गरेको थियो ।

प्रकाशित समय : २२:३४ बजे