महोत्तरीमा झाडापखालाबाट मृत्यु हुनेको संख्या दुई पुगेको छ । जलेश्वर नगरपालिका नैन्हीमा झडापखलाबाट ६० वर्षीया आइसा खातुनको मृत्यु भएको हो । यसअघि ४ वर्षीया खुश्बु खातुनको झाडापखालाकै कारण मृत्यु भएको थियो ।

३०० भन्दा बढी परिवार बसोबास गर्दै आएको नैनहीमा प्रकोपले भयावह रूप लिएको छ । भदौ २५ देखि नै नैनहीमा झाडापखालाका बिरामी देखा पर्न थालेको स्थानीय बताउँछन् ।

तर, जिल्ला जनस्वाथ्य कार्यालय, नगरपालिकालगायतका सरोकारवाला निकायले समयमै ध्यान पुर्याउन नसक्दा र स्थानीयलेसमेत पर्याप्त सावधानी नअपनाउँदा झाडापखालाले उग्ररुप लिएको हो ।

प्रकाशित समय : १७:०४ बजे