लौहपुरुष गणेशमान सिंहको आज २१औँ स्मृति दिवस । नेपाली कांग्रेसले देशभर विभिन्न कार्यक्रम गरि मनाउँदैछ । २०४६ को जनआन्दोलनका सर्वोच्च कमाण्डर एवं लौहपुरुष गणेशमान सिंहको सम्झनामा गणेशमान सिंह फाउण्डेशनले विशेष कार्यक्रमको आयोजना गरेको छ ।

फाउण्डेशनले शोभाभगवतीमा आयोजना गरेको कार्यक्रममा स्व सिंहको शालिकमा माल्यार्पण गरिएको छ ।कार्यक्रममा कांग्रेसका नेता प्रकाशमान सिंहले नेपालको प्रजातान्त्रिक आन्दोलनमा स्व सिंहको महत्वपूर्ण भूमिका रहेको बताए ।

उनले सिंह प्रजातान्त्रिक आन्दोलनलाई सहज ढङ्गले नेतृत्व गर्ने कुशल नेता रहेको बताए । एकदलीय शासन व्यवस्थामा विश्वास गर्ने कम्युनिष्टलाई बहुदलीय प्रजातन्त्रमा ल्याउन सिंहको महत्वूर्ण भूमिका रहेको सिंहको भनाइ छ ।

विसं १९७२ कात्तिक २४ गते जन्मिएका सिंहको २०५४ असोज २ गते निधन भएको थियो ।

प्रकाशित समय : १६:३४ बजे