नेपाली कांग्रेसमा पदाधिकारी संख्या १३ पुर्याउने गरी नेताहरुबीच सहमति जुटेको छ । लामो रस्साकस्सीपछि शीर्ष नेताहरुले सहमहामन्त्रीको संख्या सात पुर्याउने सहमति गरेपछि महासमिति बैठक सुरु भएको छ ।

सहमतिअनुसार १३ पदाधिकारीमध्ये कोषाध्यक्षबाहेक सबै निर्वाचित हुनेछन् । उपसभापति र महामन्त्री दुई÷दुई जना रहनेछन् । समावेशिताका आधारमा महामन्त्री सातजना रहनेछन् । पार्टीमा सात जातीय क्लस्टर छन् । ‘बै जातिको प्रतिनिधित्व हुने गरी सात सहमहामन्त्री थप्ने र कोषाध्यक्षबाहेक सबैको निर्वाचन गर्ने सहमति भएको केन्द्रीय सदस्य गुरु घिमिरेले जानकारी दिए ।

यसअघि, सभापति शेरबहादुर देउवा पूर्वसहमतिबाट पछि हटेपछि कांग्रेसमा पदाधिकारी संख्या र निर्वाचन पद्धतिको विवादले महासमिति बैठक अगाडि बढ्न सकेको थिएन । कोषाध्यक्षबाहेक सबै पदाधिकारी महाधिवेशनबाट निर्वाचित हुने व्यवस्था विधानमा राख्न तयार भएका देउवा फेरी युटर्न भएका थिए । देउवाले वरिष्ठ नेता रामचन्द्र पौडेलसँग एक उपसभापति र एक महामन्त्री मनोनित गर्नुपर्ने प्रस्ताव राखेपछि विवाद बढेको थियो ।