पोखरा रंगशालामा अन्तर्राष्ट्रिय स्तरको फुटबल मैदान निर्माण गर्न सरोकारवालाले जोड दिएका छन् । एन्फा कास्कीले विजया दशमी तथा शुभ–दिपावलीको अवसरमा मंगलबार पोखरामा आयोजना गरेको शुभकामना आदन प्रदान तथा चियापान कार्यक्रमका बक्ताहरुले उक्त कुरामा जोड दिएका हुन् ।

पोखरालाई खेलकुद र पर्यटन खेलकुदको केन्द्र बनाउने अभियानमा पोखरामा अन्तर्राष्ट्रिय स्तरको प्यारापिट सहितको फुटबल मैदान आवश्यक भएको बक्ताहरुको जोड थियो । पोखरामा हाल अन्तर्राष्ट्रिय प्यारापिट सहितको फुटबल मैदान निमार्ण प्रकृयाले मुर्त रुप लिन नसक्दा पोखरेलीहरुले चिन्त्ता व्यक्त गर्न थालेका हुन ।

जिल्ला खेलकुद विकास समितिका पूर्व अध्यक्ष दीलबहादुर गुरुङले पोखरामा हुने खेल गतिविधिले पोखराको खेलसँगै खेल पर्यटनको समेत प्रवद्र्धन हुने गरेको बताए । पोखरामा व्यबस्थित प्यारापिट सहितको फुटबल मैदान आवश्यक भएको उनले बताए ।

पोखरा उद्योग बाणिज्य संघका अध्यक्ष दामु अधिकारीले गण्डकी प्रदेशको राजधानि पोखरामा खेलकुद र पर्यटनको समेत राजधानि बनाउन सकिने बताए । उनले भने, ‘पोखरामा खेलकुद र खेल पर्यटनको अथाह सम्भावना रहेको छ, यसको विकास र विस्तार गर्न निजी क्षेत्र सहकार्य गर्न तयार रहेको छ ।’

उक्त अवसरमा पोखरा उद्योग वाणिज्य संघका अध्यक्ष दामु अधिकारी सहितको नयाँ कार्यसमितिलाई र कास्कीका प्रहरी प्रवक्ता डि.एस.पी. रबिन्द्रमान गुरुङलाई एन्फा कास्कीले उक्त अवसरमा सम्मान गरिएकोे छ । यसैबीच आयोजक एन्फा कास्की र पत्रकार बिच भएको मैत्रिपुर्ण फुटवल खेलमा आयोजनक एन्फा कास्कीले पत्रकारको टोलीलाई २–० ले पराजित गरेको छ ।

त्यस्तै पोखरा सेति वारी र पोखरा सेतिपारीबीच भएको मैत्रिपुर्ण फुटबल खेलमा सेतीपारीले सेतीवारीलाई ७–१ को फराकिलो गोल अन्तरले पराजित गरेको हो । सेतिपारीको जितमा हरि खड्काले ह्याट्रिक गरे भने मनकाजी गुरुङ, बब्लु गुरुङले दुई/दुई गोल गरे ।

सेतीवारिको तर्फबाट विदेशी खेलाडी ब्रर्दर शान्त्वना एक गोल गरे । कुमार गुरुङको कप्तानीमा मैदानमा उत्रिएको सेतिवारिले गोल गर्ने अवसर पाए पनि गोल गर्न नसक्दा फराकिलो गोल अन्तरमा पराजित भएको हो । एन्फा कास्कीका अध्यक्ष मिलन गुरुङको अध्यक्षमा कार्यक्रम सम्पन्न भएको हो ।