आजदेखि छठ पर्व सुरु, मिथिला क्षेत्र छठमय
बाँदर धपाउन पड्काएकाे गोली लागेर एकको मृत्यु
वि.सं.२०७५ कात्तिक ४ आइतवार १४:३९
13.63K
shares
shares
बाँदर धपाउन पड्काएको भरुवा बन्दुकको गोली लागेर हुम्लाको सर्केगाड गाउँपालिका–२ रिप बस्ने २८ वर्षीय सुरेन्द्र कार्कीको शुक्रबार मृत्यु भएको छ ।
सोही ठाउँ बस्ने ४० वर्षीय रङ्गमल महताराले आफ्नो स्याउ फार्ममा आएका बाँदर धपाउन पड्काएको भरुवा बन्दुकको गोली लागेर गोठालो गएका सुरेन्द्र गम्भीर घाइते भएका थिए ।
उनको उपचारको लागि स्वास्थ्य चौकी रिपतर्फ लैजाने क्रममा बाटोमै मृत्यु भएको हो । महतारालाई भरुवा बन्दुकसहित प्रहरीले पक्राउ गरेको छ । उनलार्इ शनिबार राति नै जिल्ला प्रहरी कार्यालय सिमकोटमा ल्याएको प्रहरी प्रमुख उपरीक्षक रबिन श्रेष्ठले जानकारी दिए ।
घटनाका सम्बन्धमा थप अनुसन्धान भइरहेको प्रहरीले जानकारी दिएको छ । रासस।
