एनआईसी एशिया बैंकले समृद्ध नेपाल सुखी नेपाली बचत खाता सञ्चालनमा ल्याएको छ । नेपाल राष्ट्र बैंकको ‘समृद्धसँग जोडौं नाता : सबै नेपालीको बैंक खाता’ भन्ने नारासहित सुरु भएको ‘खोलौं बैंक खाता अभियान २०७६’ मा सहयोग पुग्ने गरी एनआईसी एशियाले ‘समृद्ध नेपाल सुखी नेपाली बचत खाता’ सञ्चालनमा ल्याएको हो । २०७६ वैशाख १ गतेदेखि लागू हुने उक्त बचत खाता खोल्ने व्यक्तिलाई बैंकले १०० रुपैयाँ नगद खातामा जम्मा गरिदिने जारी विज्ञप्तिमा उल्लेख छ ।

मुलुकभर एनआईसी एशिया बैंकका २८१ शाखा कार्यालय, २८९ एटिएम, ४० एक्सटेन्सन काउन्टर र २३ वटा शाखारहित बैंकिङ इकाइ छन् । एनआईसी एशियामा करिब १५ लाख ग्राहक छन् ।

प्रकाशित समय : १८:५० बजे