विप्लव नेतृत्वको नेकपा समूहका बझाङ जिल्लाका सचिव भरत मल्ललाई प्रहरीले पक्राउ गरेको छ ।

बिथ्थडचिर गाँउपालिकाको स्याँडी प्रहरी चौकीबाट खटिएको प्रहरी टोलीले शुक्रबार दिउँसो पक्राउ गरेको हो । मल्ललाई सदरमुकाम चैनपुर लगिएको छ । धनगढीबाट घर आउँदै गरेको सूचनाका आधारमा मल्ललाई पक्राउ गरिएको प्रहरीले जनाएको छ । चन्दा असुली, ज्यान मार्ने धम्की, संघ संस्था नष्ट दिनेसम्मका धम्की दिएको आरोपमा मल्ललाई प्रक्राउ गरेको बझाङ प्रहरीले जनाएको छ ।

पक्राउ परेका मल्लमाथि थप अनुसन्धान भइरहेको प्रहरीले जनाएको छ ।

प्रकाशित समय : १३:३० बजे