नेपाल आयल निगमले बिहीबार रातिदेखि लागू हुने गरी सबै इन्धनको मूल्य बढाएको छ । निगमले पेट्रोलमा प्रतिलिटर १ रुपैयाँ ५० पैसा तथा मटितेल र डिजेलमा १/१ रुपैयाँ मूल्य बढाएको हो । मूल्यवृद्धिसँगै पेट्रोलको खुद्रा मूल्य १११ रुपैयाँ ५० पैसा तथा मटितेल र डिजेलको ९८ रुपैयाँ पुगेको छ ।

भारतीय आयल निगमले पठाएको नयाँ मूल्यसूचीअनुसार इन्धनको मूल्य समायोजन गरिएको निगमका प्रवक्ता विरेन्द्र गोइतले जानकारी  दिए । मूल्यवृद्धिसँगै निगमले १५ दिनमै ७ करोडभन्दा बढी नाफा गर्नेछ । खाना पकाउने ग्यास र हवाइ इन्धनको मूल्य भने यथावत् नै छ ।

प्रकाशित समय : ०४:०१ बजे