स्पेनिस ला लिगा फुटबलमा रियल म्याड्रिडले भिल्लारियाललाई ३–२ को गोल अन्तरले पराजित गरेको छ । अग्रपङ्तिका करिम बेन्जेमा र ग्यारेथ बेल नहुँदा रियाललाई जित्न हम्मे परेको थियो ।

घरेलु मैदान सान्टियागो बर्नबेउमा आइतबार राति भएको खेलमा रियललाई डफेन्डर जेसस भालेजोले पनि क्लबको लागि पहिलो गोल गरे । खेल सुरु भएको दोस्रो मिनेटमा नै डियाजले गोल गर्दै रियललाई अग्रता दिलाएका थिए । ११औं मिनेटमा जेरार्ड मोरेनोले बराबरी गोल गरे । ४०औं मिनेटमा जेसस भालेजोले गोल गर्दै रियललाई २–१ को अग्रता दिलाए ।

४९औं मिनेटमा मारियानो डियाजले व्यक्तगत दोस्रो तथा टिमका लागि तेस्रो गोल गर्दै रियललाई खेलमा ३–१ को स्थितिमा पुर्याए । इन्ज्युरी समयको थप गरिएको चौथो मिनेटमा कोस्टाले गोल गरेपनि भिल्लारियालको हार टार्न भने सकेनन् ।

जितसँगै रियल ६८ अंकसहित तेस्रो स्थानमा यथावत छ । भिल्लारियाल ४० अंकसहित १५औं स्थानमा छ ।

प्रकाशित समय : १५:०७ बजे