बाढी–पहिरोले देशका विभिन्न मुख्य राजमार्ग प्रभावित, गोरखा–धादिङ जोड्ने सडक पूर्ण रूपमा अवरुद्धप्राचार्य कुटपिटमा सङ्लग्न पक्राउ
वि.सं.२०८३ असोज २६ सोमवार ०७:०१
390
shares
shares
xr:d:DAFQ4UFI_nI:702,j:44705443211,t:23040605
काठमाडौँ। बूढानीलकण्ठस्थित बालउद्धार माध्यमिक विद्यालयका प्राचार्य विनोद पण्डितमाथि कुटपिट गरेको आरोपमा प्रहरीले दुई जनालाई पक्राउ गरेको छ ।
पक्राउ पर्नेमा स्थानीय निशान दाहाल र विद्यालय व्यवस्थापन समितिका पूर्वअध्यक्ष ध्रुव घिमिरे छन् । उनीहरूलाई आइतबार नियन्त्रणमा लिइएको जिल्ला प्रहरी परिसर काठमाडौँका प्रवक्ता दानबहादुर थापाले जानकारी दिए।
विद्यालयमा विद्यार्थी भर्नासम्बन्धी विवादका क्रममा प्राचार्य पण्डितमाथि कुटपिट भएको प्रहरीले जनाएको छ । भर्नासम्बन्धी विषयमा प्राचार्यले म्याद सकिएको जवाफ दिएपछि विवाद उत्पन्न भएको बताइएको छ ।
विद्यालयको प्राङ्गढमा नै प्राचार्यमाथि कुटपिट गरिएको भिडियो सामाजिक सञ्जालमा सार्वजनिक भएपछि घटनाले व्यापक चर्चा पाएको थियो । सार्वजनिक भिडियोमा एक युवकले प्राचार्य पण्डितसँग विवाद गर्दै कुरा नमिलेपछि मुक्का र लात्ती प्रहार गरेको देखिन्छ । सो घटनालाई शिक्षा तथा खेलकुद मन्त्रालयले गम्भीर रूपमा लिएको थियो ।
