काठमाडौं । स्मार्टफोन ब्रान्ड भिभोले दशैं–तिहारलाई लक्षित गर्दै ‘भिभो फेस्टिभ सेयर’ अभियान सार्वजनिक गरेको छ। असोज १५ देखि मंसिर ४ गतेसम्म सञ्चालन हुने अभियानअन्तर्गत ग्राहकले १० हजार रुपैयाँसम्मको नगद छुट भौचर, विभिन्न उपहार र थाइल्यान्ड भ्रमण जित्ने अवसर पाउनेछन्।

‘तपाईंको सानो साथ, कसैको ठूलो चाड’ भन्ने नारासहित ल्याइएको अभियानमा भिभो स्मार्टफोन खरिद गर्ने योग्य ग्राहकले ‘स्पिन एन्ड विन’मा सहभागी भई भिभो स्मार्टफोन, स्पिकर, नेकब्यान्ड, मग तथा एक वर्षको अतिरिक्त वारेन्टी प्राप्त गर्न सक्ने कम्पनीले जनाएको छ।

अभियानमा सहभागी हुने योग्य ग्राहक बम्पर पुरस्कारका लागि समेत स्वतः योग्य हुनेछन्। बम्पर पुरस्कारअन्तर्गत दुई जना भाग्यमानी विजेताले थाइल्यान्ड भ्रमणको अवसर पाउनेछन्।

अभियानको मुख्य आकर्षण १० हजार रुपैयाँसम्मको नगद छुट भौचर रहेको छ। ग्राहकले आफूले प्राप्त गरेको भौचर साथी, परिवारका सदस्य वा प्रियजनसँग बाँड्न सक्ने कम्पनीले जनाएको छ।

भिभोका ब्रान्ड म्यानेजर दिपेश खनालले चाडपर्वको खुसी बाँड्ने अवधारणालाई अभियानमा जोडिएको बताए। उनका अनुसार आफूले पाएको लाभ अरूसँग बाँडेर उनीहरूको चाडपर्वलाई समेत विशेष बनाउने उद्देश्यले अभियान ल्याइएको हो।

अभियोजन अवधिभर ग्राहकले नजिकैको आधिकारिक भिभो स्टोर वा अधिकृत विक्रेताबाट स्मार्टफोन खरिद गरी अभियानमा सहभागी हुन सक्नेछन्। पुरस्कार प्राप्त गर्ने सर्त तथा छुट भौचरको प्रयोगसम्बन्धी विस्तृत जानकारी कम्पनीका आधिकारिक माध्यमबाट लिन सकिनेछ।