वनमन्त्री चौधरीद्वारा हरित हाइड्रोजन र युरिया उत्पादनमा लगानी गर्न आग्रह
काभ्रेको रोशीमा पहिरो, बीपी राजमार्ग पूर्ण रूपमा अवरुद्ध
वि.सं.२०८३ असोज ९ शुक्रवार ०९:०५
1.07K
shares
shares
काभ्रे । अविरल वर्षाका कारण काभ्रेको रोशी गाउँपालिकाका दुई स्थानमा भीषण पहिरो खस्दा बीपी राजमार्ग पूर्ण रूपमा अवरुद्ध भएको छ।
जिल्ला प्रहरी कार्यालय काभ्रेका अनुसार शुक्रबार बिहान करिब ४:३० बजे रोशी गाउँपालिका–७ स्थित चारसयबेसी र वडा नम्बर ८ को गिम्दीबेसीमा सडकमाथिबाट ठूलो पहिरो खसेको हो। पहिरोका कारण बीपी राजमार्गमा दुवैतर्फको सवारी आवागमन ठप्प भएको प्रहरीले जनाएको छ।
राजमार्ग अवरुद्ध भएपछि प्रहरीले बीपी राजमार्ग हुँदै यात्रा गर्ने यात्रु तथा सवारी चालकलाई सडकको अवस्था र आवागमन खुले–नखुलेको यकिन जानकारी लिएर मात्र यात्रा तय गर्न आग्रह गरेको छ।
वर्षा जारी रहेकाले उक्त क्षेत्रमा थप पहिरो खस्ने तथा जोखिम बढ्न सक्ने सम्भावना रहेको भन्दै प्रहरीले यात्राका क्रममा उच्च सावधानी अपनाउनसमेत अनुरोध गरेको छ।
