कोप–३१ मा सहभागी हुन अर्थमन्त्री डा वाग्ले टर्की प्रस्थान
भोटेकोशी–त्रिशूली बाढीका बेपत्तालाई मृतकसरह कानुनी हैसियत दिन माग
वि.सं.२०८३ असोज ७ बुधवार १२:१९
1.13K
shares
shares
काठमाडौं । नेपाली कम्युनिष्ट पार्टीका सांसद युवराज दुलालले रसुवा भोटेकोशी–त्रिशूली बाढीमा बेपत्ता नागरिकलाई मृतकसरह कानुनी हैसियत दिन सरकारसँग माग गरेका छन्।
बुधबार बसेको प्रतिनिधिसभाको बैठकमा बोल्दै सांसद दुलालले बाढीमा बेपत्ता नागरिकले प्राप्त गर्नुपर्ने रकमदेखि आर्थिक कारोबारसम्म सबै रोक्का रहेको बताए।
उनले बेपत्ता नागरिकका परिवारले पटक–पटक उनीहरूलाई मृतकसरह कानुनी हैसियत प्रदान गर्न माग गर्दै आएको भन्दै सरकारको ध्यानाकर्षण गराए।
उनले भने, ‘रसुवा भोटेकोशी–त्रिशूली बाढीमा बेपत्ता नागरिकहरूले प्राप्त गर्नुपर्ने रकमदेखि आर्थिक कारोबारसम्म सबै रोक्का छ। त्यसैले बेपत्ता नागरिकहरूलाई मृतकसरह कानुनी हैसियत प्राप्त होस् भन्ने पीडितहरूको पटक–पटकको माग छ। त्यस विषयमा सरकारको ध्यानाकर्षण गराउन चाहन्छु।’
