न्युयाेर्क। बिगफुट सम्बन्धी अधिकांश रहस्यहरू कहिल्यै सुल्झिँदैनन्। या त तिनको कुनै प्रमाण नै हुँदैन वा भएका प्रमाणहरू पनि अपर्याप्त हुन्छन्, जस्तै धमिलो तस्बिर वा हिलोमा देखिएको ठूलो आकारको पाइलाजस्तो देखिने छाप।

तर, यो घटना भने त्यस्तो हो जसको वास्तविकता पत्ता लगाउन प्रहरी सफल भयो। यसको सुरुवात गत हप्ता मेन राज्यको डमारिस्कोटास्थित प्रहरी विभागमा बिगफुट देखिएको भनी आएका विभिन्न खबरहरूबाट भएको थियो।

फेसबुकमार्फत प्रहरी विभागले जनाए अनुसार “अस्वाभाविक रूपमा धेरै फोन कलहरू” आएपछि उनीहरूले अनुसन्धान सुरु गरेका थिए र अन्ततः “बिगफुट वास्तविक होइन” भन्ने निष्कर्ष निकालेकाे जानकारी दिएका थिए ।

‘मलाई लाग्छ, उनीहरूले भन्न खोजेको कुरा यो थियो कि ‘यो’ बिगफुट वास्तविक होइन। सायद ती कथित बिगफुटले लगाएको पहिरन नै उसको वास्तविकता खुल्ने कारण बन्यो,’ एक प्रहरी अधिकारी भने । उनका अनुसार ‘सहरमा रहस्यमय तरिकाले देखिएकाे बिगफुट’ लाई केही समय पछि फेला पारेका थिए र कुराकानीपछि पत्ता लगाए कि त्यो वास्तवमा विशेष पहिरन (कस्ट्युम) लगाएको एक व्यक्ति मात्रै थियो।

त्यो सामान्य पहिरन थिएन, बरु “अत्यन्तै वास्तविक देखिने पहिरन” थियो। टोपी लगाएको ‘बिगफुट’ वास्तवमा पोसाक लगाएको एक मानिस मात्र रहेछ भन्ने कुराले निराशा निम्त्याए पनि प्रहरी विभागले यस अनुसन्धानबाट केही सकारात्मक पक्षहरू भने हासिल गरेकाे जनाएकाे छ, एउटा समुदाय एकजुट भएर एक-अर्काको ख्याल राख्नु। सायद ‘बिगफुट’ले हामीलाई यतिन्जेल यही कुरा बुझाउन खोजिरहेको थियो।

“हामीले बिगफुटलाई त भेट्टाउन सकेनौँ, तर त्यसैजस्तो दुर्लभ अर्को एउटा कुरा भने भेट्टायौँ: बिगफुट देखिएको खबरको छानबिन गर्न र एक-अर्काको सुरक्षा सुनिश्चित गर्न आफ्ना कामधन्दा छोडेर अघि सर्ने मानिसहरूले भरिएको एउटा सहर,” प्रहरी विभागको पोस्टमा अगाडि भनिएको छ, “र इमानदारीपूर्वक भन्नुपर्दा, हामीसँग यो अरू कुनै तरिकाले हुने थिएन।”

उनीहरूको सहरवरिपरि घुम्ने बिगफुट नहुन सक्छ र धेरै दृश्यहरू केही पनि होइनन्, तर डामारिस्कोटाका मानिसहरूसँग त्योभन्दा महत्त्वपूर्ण कुरा छन्- उनीहरूसँग एक-अर्का छन्।