काठमाडौं । पछिल्लो समय देशका विभिन्न क्षेत्रमा आएको अविरल वर्षा, बाढी तथा पहिरोबाट प्रभावित परिवारप्रति सम्यक स्कुलले ऐक्यबद्धता जनाउँदै सहयोगको अपिल गरेको छ ।

भोटेकोशी र त्रिशूली नदीमा आएको बाढीबाट भएको जनधनको क्षतिप्रति दुःख व्यक्त गर्दै विद्यालयले विपद्को यस कठिन घडीमा प्रभावित परिवारको साथमा रहेको जनाएको हो ।

विद्यालय व्यवस्थापनले उद्धारका क्रममा खटिएका सुरक्षाकर्मी, स्वयंसेवक तथा सहयोगी हातहरूप्रति आभार व्यक्त गर्दै प्रभावित परिवारलाई निरन्तर सहयोग गर्न सबैमा आग्रह गरेको छ ।

सम्यक स्कुलले प्रधानमन्त्री दैवीप्रकोप उद्धार कोषमा सहयोग गर्न अभिभावक, विद्यार्थी, शुभेच्छुक तथा सरोकारवालालाई अपिल गरेको छ । विपद्को समयमा हातेमालो गर्दै प्रभावित समुदायको राहत तथा पुनःस्थापनामा सहयोग पुर्‍याउनुपर्ने विद्यालयको भनाइ छ ।

‘यो कठिन घडीमा सबैले एकअर्कालाई साथ दिऔँ र प्रभावित समुदायको पुनःस्थापनामा सहयोग गरौँ’ भन्ने सन्देशसहित विद्यालयले सबैमा सहयोग र ऐक्यबद्धताको आग्रह गरेको छ ।

सम्यक स्कुल, बूढानीलकण्ठ–८, काठमाडौंले प्रभावित परिवारको साथमा आफूहरू निरन्तर रहने प्रतिबद्धतासमेत जनाएको छ

प्रकाशित समय : ०७:५५ बजे