नेपाल बीमा प्राधिकरणले बीमा कम्पनीको व्यवसायमा प्रतिकूल असर पर्ने गरी गलत, भ्रामक तथा अतिरञ्जित प्रचारप्रसार नगर्न बीमा मध्यस्थकर्तालाई निर्देशन दिएको छ ।

विभिन्न बीमा कम्पनी तथा संस्थाको व्यवसायमा असर पर्ने गरी बीमासम्बन्धी गलत तथा भ्रामक प्रचारप्रसार भइरहेको भन्दै प्राधिकरणमा उजुरी तथा गुनासो प्राप्त भएपछि प्राधिकरणले यस्तो निर्देशन दिएको हो ।

प्राधिकरणले बीमा अभिकर्ता सम्बन्धी निर्देशन, २०६३ को दफा १९ अन्तर्गत रहेको बीमा अभिकर्ताको आचारसंहिताको अनुसूची–१ को २ (ज) मा भ्रामक प्रचारप्रसार गर्न नहुने स्पष्ट व्यवस्था रहेको जनाएको छ ।

प्रकाशित समय : १५:२३ बजे