काठमाडौं । नेपाली कम्युनिस्ट पार्टी (नेकपा)का वरिष्ठ नेता झलनाथ खनालले केन्द्रीय संयोजन समितिको बैठक बोलाउन आग्रह गरेका छन् ।

जटिल अवस्थामा पार्टीले कुनै पनि नयाँ राजनीतिक समीकरणबारे सोच्नुअघि केन्द्रीय संयोजन समितिको बैठक बोलाउन मांग गरेका हुन् ।

“आजको आवश्यकताका बारेमा कमिटीमा विस्तृत रूपले छलफल गरियोस् र क्रान्तिकारी उद्देश्य र वर्ग दृष्टिकोणलाई सर्वोपरि राखेर मात्र प्रदेशसभामा सरकार बनाउने सम्बन्धमा नीति निर्णय गरियोस् र पार्टीलाई दक्षिणपन्थी वर्ग सम्झौतावादको दलदलतिर जानबाट संस्थागत रूपले बचाइयो नेताहरूको कुर्सी मोह र आत्मतृप्तिका निम्ति मात्र साँठगाँठ गर्ने प्रवृतिलाई रोकियोस् र आम जनतालाई क्रान्तिकारी परिवर्तनको दिशामा अघि बढाउनु परने ।”

नेपालका सबै कम्युनिस्ट र वामपन्थीहरूले यो साँठगाँठको नभई सही कार्यदिशाका आधारमा पार्टीलाई पुनर्गठन र रुपान्तरण गर्ने बेला रहेको भन्ने कुरा बुझ्नुपर्ने उनको भनाइ छ । दक्षिणपन्थी शक्तिहरूसँग साँठगाँठ गरेर कम्युनिस्ट पार्टीको प्रतिष्ठामा अझ बढी आँच पुर्‍याउने खतरा देखा परेको उनले बताएका छन् ।

प्रकाशित समय : १२:४५ बजे