हेटौँडा ।राष्ट्रिय समाचार समिति (रासस) का अध्यक्ष एवं सूचना तथा सञ्चार मन्त्रालयका सहसचिव उदयबहादुर रानामगरले राससको सेवालाई समयसापेक्ष रुपमा अझ गुणस्तरीय र प्रभावकारी बनाउन निर्देशन दिएको छन ।

हेटौँडास्थित रासस बागमती प्रदेश कार्यालयको आज स्थलगत निरीक्षण गर्नुहुँदै अध्यक्ष रानामगरले परिवर्तित समय र नवीन प्रविधिलाई समेत आत्मसात् गरी छिटोछरितो ढङ्गबाट गुणस्तरीय समाचार सामग्री सम्प्रेषण गर्न निर्देशन दिएको हुन ।

सदैव सरकार र जनताप्रति जवाफदेही भई समाचार सामग्री सम्प्रेषण गर्दै आएको राससले आफ्ना जनशक्तिलाई थप क्रियाशील बनाइ सत्यतथ्य, आधिकारिक र निष्पक्ष समाचार सम्प्रेषण गर्नुपर्नेमा उनले जोड दिए ।

बागमती प्रदेश सरकारसँग समन्वय गरी कार्यसम्पादन गर्न निर्देशन दिनुहुँदै अध्यक्ष रानामगरले मातहतका सबै जिल्ला तथा पालिकासम्बद्ध राससकर्मीहरूलाई उत्प्रेरित गरी बढीभन्दा बढी समाचार सामग्री सम्प्रेषण गर्नुपर्ने दायित्व प्रदेश कार्यालयको रहेको बताए ।

रासस प्रदेश कार्यालयको व्यवस्थापन, समाचार सम्प्रेषण, स्थानीय समाचारदाताको भूमिकाका विषयमा जानकारी लिदै अध्यक्ष रानामगरले सेवा प्रवाहका क्रममा समस्या आएमा तत्काल केन्द्रसँग समन्वय गरी कामकाज गर्न निर्देशन दिए ।

अध्यक्ष रानामगरसँगै सूचना तथा सञ्चार मन्त्रालयका उपसचिव एवं सूचना अधिकारी रवीन्द्रप्रसाद पौड्यालले पनि कार्यालयको निरीक्षण गर्नुहुँदै गर्दै विभिन्न विषयमा जानकारी लिनुुभएको थियो । उपसचिव पौडेल यसअघि रासस सञ्चालक बोर्ड सदस्य थिए ।

सो अवसरमा रासस बागमती प्रदेश कार्यालयबाट भइरहेको सेवाप्रवाह, विद्यमान समस्यालगायत विषयमा प्रदेश कार्यालय प्रमुख वासुदेव पौडेलले जानकारी गराएको थिय । यसैगरी, स्थानीय समाचारदाता अञ्जली थापाले रासससम्बद्ध स्थानीय समाचारदाताका समस्या, कामकर्तव्य र भूमिकाका विषयमा अध्यक्ष रानामगरलाई जानकारी गराएको थिइन ।

जिल्ला हुलाक कार्यालयको निरीक्षण

सूचना तथा सञ्चार मन्त्रालयका सहसचिव रानामगरले आजै जिल्ला हुलाक कार्यालय मकवानपुरको पनि निरीक्षण गरे । हुलाक सेवालाई समयसापेक्ष प्रभावकारी बनाउन निर्देशन दिदै सहसचिव रानामगरले हुलाक कार्यालयबाट भइरहेका सेवा प्रवाहलगायतका विषयमा जानकारी लिएको थिय ।

जिल्ला हुलाक कार्यालय, मकवानपुरका प्रमुख रमेश लामिछानेले कार्यालयबाट भइरहेको सेवा प्रवाहसँगै व्यहोर्नुपरेका समस्यालगायतका विषयमा मन्त्रालयका सहसचिव रानामगर नेतृत्वको भ्रमण टोलीलाई जानकारी गराएको थिय ।

प्रकाशित समय : १८:४८ बजे