काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

जैविक विविधता दिवस आज नेपालमा पनि मनाइँदै

2.35K
shares

काठमाडौं । आज नेपालमा पनि विभिन्न जनचेतनामूलक कार्यक्रम गरी अन्तर्राष्ट्रिय जैविक विविधता दिवस मनाइँदैछ ।

संयुक्त राष्ट्र सङ्घको आह्वानमा हरेक वर्ष मे २२ मा मनाइने यस दिवसको उद्देश्य पर्यावरणीय सन्तुलन, वातावरण संरक्षण तथा दिगो विकासमा जैविक विविधताको महत्वबारे विश्वव्यापी चेतना फैलाउनु हो ।

यस अवसरमा जमिन तथा पानीमा पाइने वनस्पति, जीवजन्तु तथा सूक्ष्म जीवहरूको संरक्षणसँगै सम्पूर्ण पारिस्थितिक प्रणालीको महत्वबारे विभिन्न कार्यक्रम आयोजना गरिँदैछ । नेपालमा वन विभाग, वनस्पति विभाग तथा विभिन्न राष्ट्रिय एवं अन्तर्राष्ट्रिय सङ्घ–संस्थाले हाइकिङ, ¥याली, गोष्ठी, अन्तक्र्रिया तथा सचेतनामूलक अभियान सञ्चालन गर्ने गर्दछन् ।

जैविक विविधताको दृष्टिले नेपाल विश्वकै धनी मुलुकमध्ये एक मानिन्छ । हिमाल, पहाड र तराईको भौगोलिक विविधताका कारण यहाँ दुर्लभ वनस्पति, वन्यजन्तु तथा प्राकृतिक स्रोतको प्रचुरता रहेको छ ।

यस वर्ष अन्तर्राष्ट्रिय जैविक विविधता दिवस २०२६ को नारा ‘स्थानीय प्रयास, विश्वव्यापी प्रभाव’ रहेको छ । यस नाराले स्थानीय स्तरबाट गरिने साना–साना संरक्षणका प्रयासले विश्वव्यापी वातावरण संरक्षण र जैविक विविधता जोगाउन महत्वपूर्ण योगदान पुर्याउने सन्देश दिएको छ ।

प्रकृति संरक्षण घर, गाउँ र समुदायबाटै सुरु हुन्छ भन्ने चेतना फैलाउँदै जैविक विविधताको संरक्षणमा सबैको साझा सहभागिता आवश्यक रहेको सरोकारवालाहरूले बताएका छन् ।