नेपालगञ्ज- नेपालगञ्जमा दुई लाख रुपैयाँ पुरस्कार राशिको रात्रिकालीन क्रिकेट प्रतियोगिता हुने भएको छ।

भेरी रकर्स स्पोर्ट्स क्लबको आयोजनामा नेपालगञ्जको विशालनगरमा वैशाख ३ गतेदेखि रात्रिकालीन क्रिकेट प्रतियोगिता सञ्चालन हुने भएको हो।

टेनिस बलले खेलिने प्रतियोगिता १० ओभरको हुनेछ। ३२ वटा टोलीले भाग लिने प्रतियोगिताको उपविजेताले एक लाख रुपैयाँ पाउने क्लबका अध्यक्ष मोहम्मद साजिद खानले जानकारी दिए।

प्रतियोगितामा करिब २० लाख रुपैयाँ खर्च हुने अनुमान गरिएको छ। क्लबले आयोजना गरेको यो चौथो संस्करण हो।

प्रकाशित समय : १०:३४ बजे