भिभोले नेपाली बजारमा आफ्नो नयाँ बजेट स्मार्टफोन भिभो वाई०५ सार्वजनिक गरेको छ । शक्तिशाली ब्याट्री र उत्कृष्ट प्रयोगकर्ता अनुभव प्रदान गर्दै नयाँ मानक स्थापित गर्दै आएको कम्पनीले किफायती मूल्यमा भिभो वाई०५ सार्वजनिक गरेको हो ।

भिभो वाई०५ को मुख्य आकर्षण यसको शक्तिशाली ६५०० एमएएच ब्लुभोल्ट ब्याट्री हो । यो उच्च क्षमताको ब्याट्री दिनभर पटक–पटक चार्ज गरिरहनुपर्ने झन्झटलाई हटाउँदै लामो समयसम्म निरन्तर प्रयोगको सुनिश्चितता दिनका लागि डिजाइन गरिएको बताइएको छ ।

भिडियो स्ट्रिमिङ होस्, गेमिङ होस् वा निरन्तर अनलाइन रहनुपर्ने आवश्यकता, भिभो वाई०५ तपाईंको दैनिकीसँग सहजै तालमेल मिलाउन सक्षम भएको कम्पनीको दावी छ ।

“अत्याधुनिक ब्याट्री प्रविधिले लामो समयसम्म स्थिर र उत्कृष्ट प्रदर्शन कायम राख्न मद्दत गर्छ, साथै ५ वर्षसम्म ब्याट्री स्वास्थ्य सुरक्षित रहने सुनिश्चित गर्दछ । यसले प्रयोगकर्तालाई आउने वर्षहरूमा पनि आफ्नो डिभाइस पूर्ण रूपमा भरपर्दो रहने विश्वास दिलाउँछ,” कम्पनीद्वारा जारी विज्ञप्तिमा उल्लेख छ ।

कम्पनीका अनुसार भिभो वाई०५मा आईपी ६५ धुलो र पानी प्रतिरोधी क्षमता प्रदान गरिएको छ, जसले दैनिक प्रयोगमा हुने धुलो र पानीका छिटाहरूबाट सुरक्षा प्रदान गर्दछ । साथै, यसमा प्रोफेसनल एन्टी–ड्रप डिजाइन रहेको छ, जसले आकस्मिक रूपमा खस्दा हुने क्षतिबाट फोनलाई जोगाउन मद्दत गर्दछ ।

प्रदर्शन र डिस्प्लेको हिसाबले पनि भिभो वाई०५ उत्कृष्ट भएको कम्पनीको दावी छ । ओरिजिन ओएस ६द्वारा सञ्चालित यो स्मार्टफोनमा १२० हर्जको स्मूथ डिस्प्ले रहेको छ, जसले स्क्रोलिङ र प्रयोग अनुभवलाई अझ सहज बनाउँछ ।

यसको १२०० निट्स पिक ब्राइटनेसले चर्को घाममा पनि स्क्रिन स्पष्ट रूपमा देखिने सुनिश्चित गर्दछ । मनोरञ्जन अनुभवलाई अझ माथि उठाउन, यस डिभाइसमा २०० % भोल्युम बूस्ट प्रदान गरिएको छ, जसले अझ शक्तिशाली र इमर्सिभ अडियो अनुभव दिन्छ ।

भिभो वाई०५ विभिन्न आवश्यकता र बजेटलाई ध्यानमा राख्दै दुई भेरियन्टमा उपलब्ध हुनेछ । ४ जीबी + ६४ जीबीको मूल्य १६,९९९ तोकिएको छ भने ४ जीबी + १२८ जीबीको मूल्य १९,४९९ निर्धारण गरिएको छ। यो स्मार्टफोन मार्च २५, २०२६ देखि नेपालभरका आधिकारिक रिटेल स्टोरहरू तथा दाराजमार्फत उपलब्ध हुनेछ ।

प्रकाशित समय : १०:३६ बजे