गुहेश्वरी मर्चेन्ट बैंकिङ्ग एण्ड फाइनान्सले ‘ग्लोवल मनी वीक २०२६’ को अवसरमा नेपालका विभिन्न प्रदेशहरूमा र्याली आयोजना गर्नुका साथै विद्यार्थी तथा विभिन्न साना तथा मझौला व्यापारीहरु र आमा समूहहरुका लागि वित्तीय साक्षरता सम्बन्धी कार्यक्रम सफलतापूर्वक संचालन गरेकाे छ ।

उक्त कार्यक्रमको मुख्य उद्देश्य विद्यार्थीहरू तथा विभिन्न साना तथा मझौला व्यापारीहरु र आमा समुहरुलाई बचत, लगानी, बजेट व्यवस्थापन तथा जिम्मेवार वित्तीय व्यवहार सम्बन्धी ज्ञान अभिवृद्धि गर्नु रहेको छ । कार्यक्रममा सहभागीहरुलाई वित्तीय योजना, डिजिटल बैंकिङको प्रयोग, तथा भविष्यका लागि आर्थिक रूपमा सुदृढ बन्न आवश्यक सीपहरूबारे जानकारी प्रदान गरिएको छ ।

सो कार्यक्रममा संस्थाका प्रतिनिधिहरूले वित्तीय साक्षरताको महत्वबारे प्रकाश पार्दै युवा पुस्तालाई प्रारम्भिक चरणदेखि नै वित्तीय अनुशासन अपनाउन आग्रह गरेका छन् ।

प्रकाशित समय : १२:५४ बजे